Yaponiyanın xarici işlər naziri Yoko Kamikava Yaxın Şərqə gözlənilən səfəri çərçivəsində İordan çayının qərb sahilinə səfər edəcək və orada Fələstin hakimiyyəti ilə görüşəcək. Bu barədə Kyodo agentliyi Yaponiya diplomatik mənbələrinə istinadən məlumat yayıb.
Onun sözlərinə görə, noyabrın 3-də nazir fələstinli həmkarı Riyad əl-Maliki ilə danışıqlar aparacaq.
Oktyabrın 31-də Kamikava Tokioda keçirdiyi mətbuat konfransında Fələstin-İsrail münaqişəsinin kəskinləşməsi fonunda noyabrın 2-5-də İsrail və İordaniyaya səfər etməyi planlaşdırdığını açıqlayıb.
Kamikava bir müddət əvvəl bildirmişdi ki, Yaponiya hökuməti Qəzza zolağı üzərindəki münaqişədə öz sakinlərinə yardım göstərmək üçün humanitar fasiləyə dair razılığın əldə olunmasını vacib hesab edir. Nazir Tokionun Fələstin HƏMAS yaraqlılarının İsrail əhalisinə hücumunu qətiyyətlə pislədiyini vurğulayıb və qeyd edib ki, İsrailin təhlükəsizliyini təmin etmək hüququ beynəlxalq normalar çərçivəsində həyata keçirilməlidir. (Tass)
