Yelisey sarayı Fransa prezidenti Emmanuel Makronun bazar günü ölkənin yeni baş nazirinin adını açıqlaya biləcəyi ilə bağlı şayiələri təsdiqləməkdən imtina edib. Bu barədə “Politico” qəzetinin Avropa nəşri mənbəyə istinadən məlumat yayıb.
Nəşr qeyd edir ki, Fransada Makronun bazar günü yeni baş nazirin adını açıqlaya biləcəyi, daha sonra isə dərhal telekanallardan birində efirə çıxa biləcəyi ilə bağlı söz-söhbətlər var. Bununla belə, Politico-nun Fransa administrasiyasındakı mənbələrindən biri “vaxt hər an dəyişə bilər” deyə “bu şayiələri təsdiqləməkdən imtina etdi”. Nəşrin həmsöhbəti qeyd edib ki, “[Makron] tələsmir.
Fransa prezidentinə yaxın olan digər mənbələrin məlumatına görə, rəsmi səfərdə olduğu Serbiyadan qayıdan Makron Versaldakı iqamətgahına gedərək həftə sonunu orada keçirə bilər. “Bu, oxşar vəziyyətlərə tamamilə uyğundur. O, hər dəfə qərar qəbul etmək üçün ora gedir”, – mənbə qeyd edir.
Avqustun 29-da Makron Belqradda keçirdiyi mətbuat konfransında “vaxtı gələndə” seçimi ilə bağlı fransızları məlumatlandıracağını bildirib. Fransa lideri əmin edib ki, o, ən yaxşı həll yolunu tapmaq üçün hər cür səy göstərir. (Tass)