KXDR hərbçiləri Koreya Respublikası ilə sərhəddə, demilitarizasiya zonasında daha bir yolu minalayıb. Bu barədə Yonhap agentliyi Cənubi Koreya ordusuna istinadən məlumat yayıb.
Minalar keçən ilin sonlarında Cheorvon qraflığının yaxınlığındakı torpaq yola əkilib. Yol 2018-ci ildə Koreyalararası razılaşma əsasında ərazidə həlak olmuş Koreya müharibəsi əsgərlərinin qalıqlarının çıxarılması üçün birgə səyləri asanlaşdırmaq üçün tikilib.
“Şimali Koreya ötən ilin sonlarında 2018-ci il 19 sentyabr tarixli hərbi razılaşmadan çıxdığını elan etdikdən sonra yenidən hərbi tədbirlərin tətbiqinə başlayıb. Ordumuz bununla bağlı lazımi addımları atır”, – Koreya Respubilkası Birləşmiş Qərargah Rəisləri Komitəsinin sözçüsü Li Sung-Jung bildirib. O, Cənubi Koreyanın yolun öz hissəsini minalamayacağına aydınlıq gətirib.
Bundan əvvəl Yonhap agentliyi Koreya Respublikasının hərbçilərinə istinadən məlumat vermişdi ki, KXDR yanvarda Cənubi Koreyanın Paju və Donxae şəhərlərinə gedən iki yolu minalayıb və oradakı fənər dayaqlarını söküb. (Tass)