Yunanıstan Qəzza zolağından əhalinin köçürülməsinə qarşıdır və hesab edir ki, Fələstin probleminin davamlı həlli regionda sülhün bərqərar olması üçün ilkin şərtdir. Bu barədə Yunanıstanın xarici işlər naziri Giorgos Gerapetritis Əmmanda İordaniyanın baş nazirinin müavini, xarici işlər və mühacirlərlə iş üzrə nazir Ayman əs-Səfədi ilə görüşdən sonra bildirib. Gerapetritisin açıqlamalarını Yunanıstan Xarici İşlər Nazirliyinin mətbuat xidməti yayıb.
“[Qəzza zolağından] əhalinin köçürülməsi ssenariləri məqbul sayıla bilməz. Yunanıstan hesab edir ki, regionda sülhün bərqərar olması və siyasi perspektiv aça bilmək üçün növbəti günlə bağlı ciddi müzakirələrə başlamağın vaxtı çatıb” Yunanıstan naziri bildirib.
“Bu prizmadan biz inanırıq ki, Fələstin Muxtariyyətinin rolu mühüm olacaq və dəstəklənməlidir, çünki Fələstin Muxtariyyəti bizim yeganə etibarlı həmsöhbətimizdir”.
Gerapetritis vurğulayıb ki, İordaniya regionda əsas oyunçulardan biridir və Yunanıstan müharibələrdən, rəqabətdən və münaqişələrdən azad, təhlükəsiz, sabit bir bölgədə yaşamaq zərurətinə dair ümumi baxışı bölüşür. “Bunun üçün ilkin şərt Fələstin məsələsinin davamlı həllinin axtarışıdır. Yunanıstan uzun müddətdir ki, 1967-ci ildən əvvəlki sərhəd xəttinə əsaslanaraq, beynəlxalq səviyyədə tanınmış sərhədlər daxilində İsraillə dinc yanaşı yaşayacaq müstəqil Fələstin dövlətinin yaradılmasını ardıcıl olaraq dəstəkləyir və paytaxtı Şərqi Qüdsdədir”, – xarici işlər naziri bildirib. (Tass)