Yunanıstan Moldovanın Avropa İttifaqına qoşulması perspektivini dəstəkləyir və ona üzvlük prosesində texniki yardım göstərməyə hazırdır. Baş nazir Kiriakos Mitsotakis bu barədə Moldova hökumətinin başçısı Dorin Recean ilə iqamətgahında keçirdiyi görüşdə bildirib. Siyasətçilərin açıqlamalarını Yunanıstan baş nazirinin mətbuat xidməti yayıb.
“Baş nazir moldovalı həmkarını bir neçə gün əvvəl Lüksemburqda baş tutan Moldova ilə Aİ arasında keçirilən ilk hökumətlərarası konfransla əlaqədar təbrik edib və Moldovanın Avropa İttifaqına daxil olması ilə bağlı danışıqlara rəsmi yol açdığını vurğulayıb Moldovanın Aİ-yə daxil olması perspektivi var və üzvlük prosesində texniki yardım göstərməyə hazırdır”, – deyə mətbuat xidməti qeyd edib.
Xəbərdə deyilir ki, görüşdə həmçinin nəqliyyat və enerji sahələrində ikitərəfli əməkdaşlıq müzakirə edilib, çünki Yunanıstan Moldovanın enerji təhlükəsizliyinə təbii qaz tədarükü ilə töhfə verir. “İki ölkə liderləri həmçinin Ukrayna, Moldova və Slovakiyanın da əlavə edilməsi ilə “şaquli dəhliz”in genişləndirilməsinin vacibliyini vurğulayıblar. Görüş zamanı sürücülük vəsiqələrinin qarşılıqlı tanınması haqqında memorandum imzalanıb “, – deyə mətbuat xidməti qeyd edib. (Tass)
