Yunanıstanın Ukraynaya F-16-lar göndərməsindən söhbət gedə bilməz, hökumət sözçüsü Pavlos Marinakis jurnalistlərə bildirib.
Ondan Amerikanın “Newsweek” jurnalında Yunanıstanın Ukraynaya 32 ədəd F-16 qırıcısı göndərməyə hazırlaşdığı barədə dərc olunan məqaləyə münasibət bildirməsi istənilib . “Belə bir mövzu yoxdur. Deməli olduğumuz hər şeyi dedik. Belə bir nəşrdə deyilənlər doğru deyil”, – Marinakis bildirib.
Bundan əvvəl Yunanıstan F-16-larının Ukraynaya təhvil verilməsini “demək olar ki, qaçılmaz” adlandıran “Newsweek” nəşrinin məlumatları Yunanıstan Müdafiə Nazirliyindəki “Efimeris ton Syndacton” qəzetinin mənbələri tərəfindən təkzib edilmişdi .
Yunan mediası əvvəllər yalnız belə bir razılaşmanın mümkünlüyü barədə spekulyasiya edirdi. Məsələn, Realnews qəzeti Aİ-nin Yunanıstan Hərbi Hava Qüvvələrinə müvafiq təzminat ödəyəcəyi təqdirdə F-16-nın AB-nin son sammitdə Ukraynaya ayırmağa qərar verdiyi 50 milyard avroluq yardım paketinə daxil ola biləcəyini yazıb.
(Tass)