Yunanıstan, Kipr və Ermənistandan olan xüsusi təyinatlılar Yunanıstanın paytaxtı Attika bölgəsində əməliyyat hazırlığını təkmilləşdirmək üçün təlimlər keçirib. Bu barədə Yunanıstanın Milli Müdafiə Baş Qərargahı məlumat yayıb.
Onun saytında yerləşdirilən məlumata görə, “noyabrın 6-dan 10-dək Attikanın Nea Peramos bölgəsində xüsusi təyinatlıların üçtərəfli birgə təlimləri keçirilib: Yunanıstan, Kipr və Ermənistanın xüsusi əməliyyat qüvvələri Baş Qərargahın planları çərçivəsində təlimlər keçirib”-deyə məlumatda qeyd edilib.
“Yunanıstan, Kipr və Ermənistan arasında 2023-cü il üçün Birgə Fəaliyyət Planının (JAP) bir hissəsi olan birgə təlim iştirakçılar arasında qarşılıqlı anlaşma səviyyəsinin və nou-hau mübadiləsinin artırılmasına, habelə onların əməliyyat imkanlarının gücləndirilməsinə dair, ” departament vurğulayıb.
Yunanıstan Silahlı Qüvvələri də Yunanıstan Milli Müdafiə Baş Qərargahının Xüsusi Əməliyyat Komandanlığının 1-ci Əməliyyat Tapşırıq Bölməsi ilə birlikdə təlimə qatılıb. Təlimlərdə canlı atəşlər icra edilib, snayperlərin texnika və taktikası, qapalı məkanlarda manevrlər, əməliyyatların planlaşdırılması işlənib. (Tass)