Birləşmiş Millətlər Təşkilatının Təhsil, Elm və Mədəniyyət Təşkilatının (UNESCO) nümayəndələrindən ibarət qrup Ermənistanın Dağlıq Qarabağdan olan qaçqınların qəbuluna köməklik göstərilməsi ilə bağlı müraciətinə cavab olaraq tezliklə Yerevana gedəcək. Bu barədə qurumun mətbuat xidməti məlumat yayıb.
“Ermənistanın tələbi ilə UNESCO yaxın günlərdə İrəvana təcili missiya göndərərək Dağlıq Qarabağdan olan qaçqınların qəbulunda maarifləndirici yardım göstərəcək” deyə bəyanatda bildirilir.
Təşkilat xatırladır ki, son bir neçə gündə 100 min insan Dağlıq Qarabağı tərk edərək Ermənistana gedib. Onların təxminən üçdə biri uşaq və ya yeniyetmədir. Təşkilat onların təlimi üçün müvafiq şəraitin yaradılmasına və təhsil proqramlarına çıxışına nəzarət etməyi planlaşdırır. “Yaxın vaxtlarda UNESCO bu təhsil təşəbbüslərinin həyata keçirilməsində onların dəstəyini, o cümlədən maliyyə dəstəyini cəlb etmək məqsədilə təhsil sahəsində beynəlxalq tərəfdaşların və donorların iştirakı ilə görüş təşkil etməyi də planlaşdırır”, – mətbuat xidməti aydınlaşdırıb. (Tass)
