Mina terroru təkcə qayıdış prosesinə mane olmur, həm də ekoloji tarazlığın pozulmasına gətirib çıxarır.
AZƏRTAC xəbər verir ki, bunu Milli Məclisin İnsan hüquqları komitəsinin və Sosial Tədqiqatlar Mərkəzinin İdarə Heyətinin sədri Zahid Oruc “Ekoloji tarazlığın və insan hüquqlarının təminatı sahəsində vətəndaş cəmiyyətinin rolunun artırılması” mövzusunda martın 1-də keçirilən konfransda deyib.
Ermənilərin işğal dövründə 7 rayonumuzu yerlə-yeksan edərək təbiətimizə ciddi ziyan vurduqlarını söyləyən Z.Oruc bildirib: “Ekoloji tarazlığın və insan hüquqlarının təminatı sahəsində vətəndaş cəmiyyətinin rolunun artırılması hazırda ciddi məsələlərdəndir. Hər birimiz bu prosesdə məsuliyyətimizi dərindən dərk etməliyik”.