Tərtər rayonunun Seysulan kəndində naməlum şəhid kimi dəfn edilmiş Birinci Qarabağ müharibəsində itkin düşmüş hesab olunan Ramiz Mahmud oğlu Mahmudovla Zaqatala rayonunun Aşağı Tala kəndində keçirilən vida mərasimi başa çatıb.
“Report”un Şimal-qərb bürosunun məlumatına görə, şəhidin nəşi Aşağı Tala kənd qəbiristanlığında dəfn olunub.
Dəfn mərasimində şəhidin doğmaları, Zaqatala Rayon İcra Hakimiyyətinin vəzifəli şəxsləri, bu rayonların hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.