Təxminən 1 min soydaşımız Qəzza zolağından təxliyə olunmaq üçün siyahıya salınıb. Rusiya Federasiyası onların Rafah keçid məntəqəsindən Misirə təhlükəsiz keçməsi üçün bütün rəsmiləşdirmələri tezliklə başa çatdırmağı gözləyir. Bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə deyib.
“Qəzza zolağından kömək istəyən həmvətənlərin təxliyyəsi məsələsini hələ də həll etmək mümkün olmayıb. Bildiyiniz kimi, 1 minə yaxın insan təxliyə siyahılarına yazıb”, – diplomat qeyd edib.
Eyni zamanda, Zaxarova vurğulayıb ki, Rusiya tərəfi “Misir ərazisinə təhlükəsiz keçidin (Rəfah keçid məntəqəsindən – TASS qeydi) təşkili üçün lazım olan bütün rəsmiləşdirmələri tezliklə başa çatdırmağı” gözləyir. O xatırladıb ki, Moskva bir qrup rusiyalının və onların ailə üzvlərinin, eləcə də kömək istəyən digər dövlətlərin vətəndaşlarının Qəzzadan tezliklə təxliyəsini təmin etmək üçün fəal səylərini davam etdirir. (Tass)
