Rusiya ABŞ-ın Yəməndəki neft limanına hücumunu əsassız və qəbuledilməz hesab edir, Moskva ölkədə vəziyyətin normallaşması üçün səylərini davam etdirəcək. Bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.
Aprelin 17-də axşam saatlarında ABŞ Yəmənin Əl-Hodeyda əyalətindəki Ras İsa neft limanına silsilə zərbələr endirib.
“Biz bu cür hərəkətləri tamamilə əsassız və qəbuledilməz hesab edirik. Öz tərəfimizdən regional tərəfdaşlarımız, ilk növbədə Səudiyyə Ərəbistanı, Birləşmiş Ərəb Əmirlikləri, Oman və İranla koordinasiya əsasında Yəməndə və onun ətrafında vəziyyətin tez bir zamanda normallaşdırılması üçün enerjili səylərimizi davam etdirəcəyik”, – o, brifinqdə deyib. (Tass)