Qələbənin 80-ci ildönümünün qeyd edilməsi zamanı atəşkəsə razılaşmaqdan imtina edən Vladimir Zelenskinin bəyanatları Qələbə Paradına Moskvaya gələcək xarici dövlətlərin liderləri üçün birbaşa təhdiddir. Bunu TASS-a Rusiya Xarici İşlər Nazirliyinin rəsmi nümayəndəsi Mariya Zaxarova deyib.
O, Zelenskinin “dünya liderlərinə açıq təhdidlər etdiyini” vurğulayıb. “Rusiya ərazisində hər bir terror aktından sonra Kiyev rejimi, onun təhlükəsizlik xidmətləri və şəxsən Zelenski fəxr edirlər ki, bu, onların işidir və bundan sonra da belə olacaq. Ona görə də, bu, onun məsuliyyət sahəsi olmadığına görə, “9 mayda Rusiya ərazisində təhlükəsizliyə təminat vermir” ifadəsi, əlbəttə, birbaşa təhdiddir”, – diplomat qeyd edib.
Onun sözlərinə görə, Zelenski mayın 9-da paradlara və təntənəli tədbirlərə gələcək veteranların fiziki təhlükəsizliyini təhdid edir. (Tass)