Ukrayna prezidenti Vladimir Zelenski Yaxın Şərqdə vəziyyətin pisləşməsi fonunda İsrailə səfər etməyi gözləyir. Bu barədə Axios portalı Ukrayna və İsrail rəsmilərinə istinadən məlumat yayıb.
Onların sözlərinə görə, Ukrayna prezident administrasiyasının nümayəndələri səfərin əlaqələndirilməsi üçün İsrailin baş naziri Benyamin Netanyahunun ofisinə rəsmi sorğu göndəriblər. Axios mənbələri qeyd edib ki, müzakirə ilkin mərhələdədir, Ukrayna liderinin İsrailə mümkün səfəri üçün hələlik konkret tarixlər yoxdur.
Bundan əvvəl Zelenski Netanyahu ilə Fələstinin HƏMAS hərəkatının hücumu fonunda yəhudi dövlətində Ukrayna vətəndaşlarının təhlükəsizliyini, eləcə də bu hadisələrin regiondakı təhlükəsizlik vəziyyətinə təsirini müzakirə etdiyini bildirib . Zelenski İsraillə həmrəy olduğunu bəyan edib və çoxsaylı qurbanlara görə başsağlığı verib. (Tass)