Ukrayna anlayır ki, hələlik ABŞ və Qərb müttəfiqləri onu NATO-ya qəbul etmək istəmir, ona görə də hesab edir ki, hazırkı mərhələdə alyansa dəvət təhlükəsizliyin təminatı ola bilər. Vladimir Zelenski bu barədə Amerikanın CBN telekanalına müsahibəsində bildirib.
“Dəvət hələ NATO deyil, amma bu, dürüst münasibətdir, Ukraynanın gələcəkdə NATO-nun bir hissəsi olub-olmayacağına dair dürüst cavabdır”.
“Biz başa düşürük ki, Birləşmiş Ştatlar və digər tərəfdaşlar Ukraynanı NATO-ya qəbul edə bilməz”, – o əlavə edib.
Daha əvvəl Zelenskinin ofisinin rəhbərinin müavini İqor Jovkva etiraf etmişdi ki, Ukraynanın NATO-ya daxil olması hazırda Kiyevin “əli çatmaz”. O, həmçinin qeyd edib ki, Kiyev belə bir vəziyyətdə təhlükəsizliyin təminatı kimi alyansa qoşulmaq dəvətini qəbul edə bilər. (Tass)
