Vladimir Zelenski Rusiyanın seçdiyi istənilən gündə və istənilən məkanda liderlərin görüşünə hazır olduğunu, lakin buna qədər atəşkəsin bərqərar olunmasında təkid etdiyini bildirib.
İyunun 2-də İstanbulda danışıqlar zamanı Rusiya tərəfi cəbhənin müəyyən hissələrində 2-3 gün ərzində atəşin dayandırılması ilə bağlı konkret təkliflə çıxış edib. Bundan əvvəl Kiyev atəşkəs rejiminin ən azı 30 gün müddətinə bağlanmalı olduğunu təkid edirdi.
“Biz ruslara liderlərin görüşünə qədər atəşkəs təklif edirik. Əvvəla, demək istəyirəm ki, heç bir eyham olmasın, biz rusların seçdiyi görüşə hazırıq – İstanbul, Vatikan, İsveçrə – bunların hamısı mövcuddur, bazar ertəsindən etibarən istənilən gün görüş təklif edirik”, – deyə o, Rada telekanalına müsahibəsində bildirib. “Niyə liderlərin görüşünə qədər atəşkəs olsun? Çünki biz görüşəcəyik, əgər anlaşma, gərginliyin azaldılması istəyi, bunun necə tamamlanacağına dair istək və fikirlər olmasa, atəşkəs elə həmin gündə başa çatacaq”.
“Əgər biz dialoqu davam etdirə biləcəyimizi və gərginliyin azaldılması üzrə müvafiq addımlara hazır olduğumuzu görsək, o zaman Amerikanın monitorinqi ilə, Amerikanın vasitəçilik zəmanəti ilə atəşkəsi davam etdirəcəyik. İnanıram ki, ruslar uzunmüddətli atəşkəs istəmirsə, o zaman bizim görüşümüz sabahdan başlayaraq istənilən gün ola bilər. Bu o deməkdir ki, atəşkəs 1-2-3 gün davam edəcək”.