Ukrayna prezidenti Vladimir Zelenski Avropa Siyasi Birliyinin Qranada sammiti çərçivəsində Ermənistanın baş naziri Nikol Paşinyan ilə Zaqafqaziyadakı təhlükəsizlik vəziyyətini müzakirə etdiyini bildirib.
“Ermənistanın baş naziri Nikol Paşinyanla ilk görüşümüz zamanı diqqətimizi Cənubi Qafqazdakı təhlükəsizlik vəziyyətinə yönəltdik. Ukrayna regionun sabitliyində və onun ölkələri ilə dostluq münasibətlərində maraqlıdır”, – o, Telegram kanalında yazıb. Paşinyanla birlikdə sammitin iş zalından çəkilmiş fotoşəkili də dərc edib . Zelenski əlavə edib ki, İrəvan və Kiyev arasında ikitərəfli əməkdaşlığı da müzakirə ediblər.
Sentyabrın 6-da Ermənistanın baş nazirinin həyat yoldaşı Anna Akopyan ilk dəfə Kiyevə səfər edib. KİV-in məlumatına görə, o, Ukraynaya humanitar yardım edib. Bu səfər rəsmi Kiyevin həmişə anti-erməni siyasət yürütdüyünü qeyd edən erməni müxalifətinin tənqidinə səbəb olub. (Tass)