Ukrayna prezidenti Vladimir Zelenski müttəfiqlərini Rusiya ərazisinə zərbələr endirməyə razı sala bilməyib. Bu barədə The Washington Post məlumat yayıb.
Onun sözlərinə görə, Zelenski ilə Pentaqon rəhbəri Lloyd Ostin arasında Ramşteyndəki Amerika aviabazasında keçirilən görüşdən sonra Qərb Ukrayna prezidentinin Rusiyaya uzaqmənzilli silahlarla dərindən zərbələr endirmək qadağasını ləğv etmək çağırışına məhəl qoymayıb. Qeyd olunur ki, belə bir qadağanın nə vaxt aradan qaldırılacağı və ya ümumiyyətlə, qaldırılacağı barədə məlumat yoxdur.
Almaniyanın Ramşteyn bazasında Ukraynaya silah tədarükünü əlaqələndirmək üçün Qərb ölkələrinin yaratdığı qrupun növbəti görüşü sentyabrın 6-da baş tutacaq.