Ukraynada hərbi vəziyyətin və səfərbərliyin noyabrın 10-dan 90 gün uzadılmasını nəzərdə tutan qanun layihələri Ali Radaya təqdim edilib. Bunu Ukrayna parlamentinin saytındakı kartotekadakı məlumatlar sübut edir. Qanun layihələrinin təşəbbüskarı Vladimir Zelenskidir.
Belə ki, hərbi vəziyyətin və səfərbərliyin qüvvəsinin fevralın 7-dək uzadılması təklif edilir.
Ukraynada hərbi vəziyyət və ümumi səfərbərlik 24 fevral 2022-ci ildə tətbiq edilib və o vaxtdan bəri bir neçə dəfə uzadılıb. Əvvəlki uzadılma müddəti noyabrın 9-da başa çatıb. Hərbi vəziyyətin mütəmadi olaraq uzadılması ölkədə parlament və prezident seçkilərinin keçirilməsini mümkünsüz edib. (Tass)