Vladimir Zelenski ABŞ-ın yeni seçilmiş prezidenti Donald Trampın andiçmə mərasimində iştirak etmək istədiyini etiraf edib, lakin onu dəvət etməyib.
“Mən istərdim. Amma düzünü desəm, müharibə zamanı belə gələ bilmərəm, çünki prezident Tramp məni birbaşa dəvət etməyib”, – Zelenski amerikalı jurnalist Leks Fridmana müsahibəsində deyib. Müsahibənin videosunu Zelenskinin ofisi dərc edib.
Tramp noyabrın 5-də keçirilən prezident seçkilərində qalib gəlib. O, Demokratların nümayəndəsi, ABŞ-ın vitse-prezidenti Kamala Harrisi məğlub edib. Respublikaçılar Konqres Senatına nəzarəti ələ keçirə, həmçinin Nümayəndələr Palatasında çoxluğu qoruyub saxlaya bildilər. Trampın andiçmə mərasimi 2025-ci il yanvarın 20-də keçiriləcək. (Tass)