Vladimir Zelenski və ABŞ prezidenti Donald Tramp NATO-nun Haaqa sammiti çərçivəsində Ukraynada atəşkəs rejimini müzakirə ediblər.
“Prezident Trampla uzun və mənalı görüş. Biz bütün həqiqətən vacib məsələləri əhatə etdik. Cənab prezidentə təşəkkür edirəm, ABŞ-a təşəkkür edirəm. Biz atəşkəs və real sülhə necə nail olmaq barədə danışdıq”, – Zelenski Telegram kanalında yazıb. O əlavə edib ki, görüşün təfərrüatları daha sonra açıqlanacaq.
Daha əvvəl UNIAN öz müxbirinə istinadən xəbər verir ki, Zelenski və Tramp təxminən 40 dəqiqə danışıblar.