Ankarada Türkiyə prezidenti Rəcəb Tayyib Ərdoğan və Vladimir Zelenski arasında ikitərəfli və geniş tərkibdə danışıqlar başa çatıb. Hürriyət qəzetinin məlumatına görə , iş naharı da daxil olmaqla görüşlər 2 saat 45 dəqiqə davam edib.
Danışıqlarda Türkiyənin milli müdafiə naziri Yaşar Gülər, Milli Kəşfiyyat Təşkilatının rəhbəri İbrahim Kalın və Ərdoğanın xarici siyasət və təhlükəsizlik üzrə baş müşaviri Akif Çağatay Kılıç da iştirak edib.
NTV daha əvvəl Zelenskinin Ərdoğanla görüşdən sonra Ukrayna səfirliyinə getməyi və orada mətbuata açıqlama verməyi planlaşdırdığını bildirib. (Tass)