Vladimir Zelenskini müşayiət edən nümayəndə heyəti ABŞ prezidenti Donald Trampla görüşmək üçün Ağ Evə gəlib. Müvafiq videonu “Ukrinform” agentliyi yayıb.
Nümayəndə heyətinə Zelenskinin ofisinin rəhbəri Andriy Yermak, Təhlükəsizlik Şurasının katibi Rustem Umerov, xarici işlər nazirinin müavini Serhiy Kyslytsya, ABŞ-dakı səfir Oksana Markarova və Yermakın müavini Pavel Palisa daxildir. Bununla belə, hamı geyim koduna əməl etməyib – Umerov pencək əvəzinə qara köynək geyinib, Palisa isə hərbi kamuflyajda qalıb.
Daha əvvəl The Wall Street Journal yazıb ki, Ağ Ev rəsmiləri Zelenskidən Trampla görüş üçün kostyum və qalstuk taxmağı xahiş ediblər. (Tass)