Gürcüstan prezidenti Salome Zurabişvili Polşa və Estoniya başçıları ilə telefonla Tbilisidə hökumət əleyhinə mitinqləri və bütövlükdə respublikadakı mövcud vəziyyəti müzakirə edib. Bu barədə Zurabişvilinin administrasiyası məlumat yayıb.
“Gürcüstan prezidenti Salome Zurabişvili Polşa prezidenti Anjey Duda ilə ölkədəki cari proseslər barədə danışıb”, – məlumatda deyilir.
Zurabişvili Estoniya prezidenti Alar Karislə də analoji telefon danışığı aparıb.
Zurabişvili polşalı və estoniyalı həmkarları ilə söhbət etməzdən əvvəl Prezident sarayında müxalif siyasi partiyalarla məsləhətləşmələr aparıb. (Tass)
