Azərbaycan Dillər Universitetinin Konfutsi İnstitutu Çinin ənənəvi yaz bayramları olan “Əjdaha başını qaldırır” festivalı və Fənər bayramını qeyd edib.
İnstitutdan AZƏRTAC-a bildirilib ki, tədbirdə Çin dili müəllimi Kəmalə Məmmədova təbiətin oyanışını, yaz tarla işlərinin başlanğıcını və yazın gəlişini simvolizə edən festivalla əlaqəli əfsanələrdən bəhs edib. O, həmçinin festivalın ənənələri, o cümlədən canlı tamaşalar, uğur əldə etmək üçün saç kəsimi və adlarında “əjdaha” heroqlifi olduğu bayram yeməkləri haqqında danışıb.
Çinşünaslıq tələbələri isə Yanqe rəqsi, od əjdahası formasında fənərlərlə rəqs, şir rəqsi, dirək rəqsi, fənərlərə bərkidilmiş əyləncəli tapmacaların həlli və bayram yeməyi “yuanxiao”nun dadını çıxarmaq kimi Fənər bayramı ənənələrini təsvir ediblər. Həmçinin qeyd edilib ki, bayramın əsas atributu olan müxtəlif heyvanlara, çiçəklərə və meyvələrə bənzəyən ənənəvi Çin fənərlərinin istehsalı ölkədə dekorativ və tətbiqi sənətin xüsusi bir növüdür.
Konfutsi İnstitutunun direktoru Rafiq Abbasov qeyd edib ki, ənənəvi Çin bayramları məzmunu müxtəlif və rəngarəng, qədim tarixə malik və özünəməxsus Çin mədəni irsinin bir hissəsidir. Tələbələrin ənənəvi Çin bayramlarında iştirakı onlara Çin etnosunun sosial-mədəni xüsusiyyətlərini daha yaxşı başa düşməyə imkan verir və Çin dilini öyrənmə prosesini