Bakıda Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Beyin Mərkəzləri Forumunun 13-cü sessiyasının ikinci günü başlayıb.
“Report” xəbər verir ki, “İnkişaf və Təhlükəsizliyin Rezonansı: AQEM-in institusional transformasiyasında regional əməkdaşlıq və idarəetmə” mövzusuna həsr olunmuş tədbirə Beynəlxalq Münasibətlərin Təhlili Mərkəzi (BMTM) və Şanxay Beynəlxalq Araşdırmalar İnstitutu təşkilatçılıq edir.
Forumun ikinci günü “AQEM beynəlxalq təşkilat kimi: Transformasiya və potensialın artırılması” mövzusunda sessiya və “Yeni Asiya nizamının formalaşması” mövzusunda tematik panelin keçirilməsi nəzərdə tutulub.