Financial Times” (FT) Qərb diplomatlarına istinadən yazır ki, NATO üzvü olan ölkələr öz hava məkanına uça biləcək pilotsuz təyyarələrlə mübarizə üçün bahalı döyüş təyyarələri və raketlərdən istifadə edə bilməzlər.
Nəşr qeyd edib ki, bir neçə dron dəstəsinin qiyməti təqribən 20 min dollar, hava hücumundan müdafiə sistemləri üçün raketlərin qiyməti isə 500 min dollardır, tək qırıcı təyyarənin qiyməti isə 100 milyon dolları keçə bilər.
Sentyabrın 10-da səhər saatlarında Polşa Ordusunun əməliyyat komandanlığı ölkənin hava məkanına daxil olmuş bir neçə obyektin məhv edildiyini açıqlayıb. Onların PUA olduğu müəyyən edilib. Baş nazir Donald Tuskun sözlərinə görə, sentyabrın 9-dan 10-na keçən gecə ölkənin hava məkanının 19 pozulması faktı qeydə alınıb. Hadisədən sonra NATO Polşanın xahişi ilə alyans üzvləri arasında məsləhətləşmələrə başlamaq üçün Şimali Atlantika Müqavilənin 4-cü maddəsinə istinad edib. (Tass)