Nyu-Yorkda BMT-nin baş katibi Antonio Quterreşlə görüşündə Qazaxıstan prezidenti Qasım-Jomart Tokayev bəyan edib ki, ölkə BMT-ni dəstəkləyəcək və ona sülhün möhkəmlənməsinə kömək edəcək. Bu barədə Qazaxıstan liderinin mətbuat xidməti məlumat yayıb.
“Qazaxıstan Prezidenti və BMT-nin Baş katibi Antonio Quterreş BMT Baş Assambleyasının sessiyasının gündəliyini müzakirə ediblər. Qasım-Jomart Tokayev təsdiqləyib ki, Qazaxıstan təşkilatı dəstəkləməyə davam edəcək və onun sülh, sabitlik və davamlı inkişafın möhkəmləndirilməsində mərkəzi rolunu fəal şəkildə təbliğ edəcək”, – mətbuat xidməti qeyd edib.
Görüş zamanı Tokayev və Quterreşin iştirakı ilə BMT-nin Mərkəzi Asiya və Əfqanıstan üçün Dayanıqlı İnkişaf Məqsədləri üzrə Regional Mərkəzinin fəaliyyətinə dair memorandum imzalanıb.
Qazaxıstan prezidenti sentyabrın 21-dən 23-dək Nyu-Yorkda işgüzar səfərdədir. Onun BMT Baş Assambleyasının 80-ci sessiyasının ümumi müzakirələrində çıxışı nəzərdə tutulub. (Tass)