ABŞ regionda hərbi mövcudluğunu artırmağa davam edərsə, Şimali Koreya təhdidləri aradan qaldırmaq üçün “müvafiq hərbi-texniki tədbirlər” görməyə məcbur olacaq. Bunu Şimali Koreya lideri Kim Çen In “Milli Müdafiə İnkişafı 2025” silah sərgisinin açılışında deyib.
“Əgər Birləşmiş Ştatlar region dövlətlərinin təhlükəsizlik qayğılarına açıq şəkildə məhəl qoymayaraq, təhlükəli silahlı qüvvələrini artırmağa davam edərsə, o zaman belə bir inkişaf bizi yeni təhdidləri aradan qaldırmaq və qüvvələr balansını qorumaq üçün müvafiq hərbi-texniki tədbirlər həyata keçirməyə sövq edəcək”, – Kim Çen In konkret hansı tədbirlərin görülə biləcəyini açıqlamayıb.
Onun sözlərinə görə, ABŞ “lazım olduqda düşmənə qabaqlayıcı zərbə endirilməsini” asanlaşdırmaq üçün Koreya yarımadasının cənubunda hərbi mövcudluğunu artırır. Bu hərəkətlərə cavab olaraq ABŞ Pxenyanda “xüsusi vasitələri” üçün yeni hədəflər təyin edib. “Düşmən təhlükəsizlik vəziyyətinin hara doğru getdiyini düşünməlidir”, – Kim Çen In əlavə edib.
“Mən təfərrüatlara varmayacağam. Koreya Respublikasının ərazisinin təhlükəsiz olub-olmamasına onlar özləri qərar verməlidirlər”, – Kim Çen In yekunlaşdırıb.