Avropa Komissiyası (AK) hələ ki, Brüsselin “təzminat krediti” adlandırdığı sxem üzrə Rusiya aktivlərinin ekspropriasiyası ilə bağlı təkliflər təqdim etməyə hazır deyil. Bunu Komissiyanın sözçüsü Ariana Podesta Brüsseldə keçirdiyi brifinqdə deyib.
“Biz hələ hazır deyilik; indiki mərhələdə yeni heç nə yoxdur. Hazırda Aİ dövlət başçıları arasında müzakirələr gedir”, – o, AK-nin 23-24 oktyabrda keçiriləcək Aİ sammitindən əvvəl Ukrayna ilə bağlı bu cür təkliflər təqdim etməyə hazır olub-olmaması ilə bağlı sualı cavablandırarkən deyib.
Avropa İttifaqı Kiyevi dəstəkləmək üçün dondurulmuş Rusiyanın 210 milyard avroluq aktivlərinin ekspropriasiya imkanını müzakirə edir. Liderlər Avropa Komissiyasına belə bir addımın risklərini hərtərəfli araşdırmağı tapşırıblar. Berlin Rusiyanın aktivlərindən istifadə edərək Ukraynaya kredit verilməsini dəstəkləyir. Aktivlərin 95%-ə qədərinin yerləşdirildiyi Euroclear platformasına ev sahibliyi edən Belçika buna qəti şəkildə qarşı çıxır. Brüssel təkcə Avropa valyutasına inamın azalması ilə deyil, həm də qeyri-qanuni özgəninkiləşdirilən vəsaitlərə görə kompensasiya tələb edən Rusiyanın başlatdığı məhkəmə iddiaları əsasında Belçikanın bütün dünyada mümkün müsadirəsi ilə bağlı maliyyə risklərindən qorxur. (Tass)