NATO-nun baş katibi Mark Rutte bəyan edib ki, alyans təyyarələri öz hava məkanında Rusiya təyyarələrini yalnız “təhlükə törətdikləri halda” vurmağa cəhd etməlidir; digər hallarda onları blokun hava məkanından “nəzakətlə müşayiət etmək” lazımdır.
Rutte NATO Parlament Assambleyasının Lyublyanada keçirilən sessiyasında deyib: “Biz Rusiya təyyarələrini sadəcə hava məkanımıza daxil olduqları üçün vurmamalıyıq. Proporsional hərəkət etməliyik. Təyyarə təhlükə yaradırsa, onu vurmalıyıq, lakin təhlükə yaratmasa, onu nəzakətlə geri müşayiət etməliyik”. Onun çıxışı NATO-nun mətbuat xidməti tərəfindən canlı yayımlanıb. (Tass)