Misir hakimiyyəti Qəzza zolağında sülhü təmin etmək üçün beynəlxalq sabitləşdirmə qüvvələrinin yaradılmasında yalnız ABŞ-ın rəhbərliyi altında iştirak edəcək. Bu barədə Əmirliyin “The National” qəzeti mənbələrə istinadən məlumat yayıb.
Nəşrin mənbələri Misir hakimiyyətinin beynəlxalq kontingentə kimin rəhbərlik etməsi ilə bağlı fikirlərini dəyişməsinin dəqiq səbəblərini təqdim etməyib. Hesab edilir ki, ABŞ-ın aparıcı rolu stabilləşdirici qüvvəyə daha böyük etimad verəcək və digər iştirakçıların təhlükəsizliyini təmin edəcək. Mənbələrin bildirdiyinə görə, Misir hakimiyyəti Misir əsgərlərinin “silahlı qruplarla vuruşmaqdansa, Qəzzada təhlükəsizliyi təmin etmələrini və sabitliyi qorumasını” istəyir. Nəşr qeyd edir ki, İsrailin baş naziri Binyamin Netanyahunun Qəzzada türk hərbçilərinin olmasına qarşı çıxmasına baxmayaraq, Misir də Türkiyənin məcburi iştirakında israrlıdır. (Tass)