Vaşinqton administrasiyası Ağ Evin yeni banket zalının tikintisi zamanı prezidentin yeraltı əməliyyatlar mərkəzində təhlükəsizliyi gücləndirmək niyyətindədir. Bu barədə cümə axşamı Ağ Evin mətbuat katibi Karolin Levitt jurnalistlərə bildirib.
“Ağ Evin ərazisində təhlükəsizliyi gücləndirmək üçün hər hansı tədbirlərdə olduğu kimi, bu tədbirlər də ABŞ Məxfi Xidməti tərəfindən həyata keçiriləcək və dəstəklənəcək” deyib. Leavitt əlavə məlumat verməyib. Son illərdə ABŞ Daxili Təhlükəsizlik Departamentinin tərkibində fəaliyyət göstərən Məxfi Xidmət ilk növbədə ölkənin ali rəhbərliyini müdafiə edir.
Sözügedən mərkəz Ağ Evin Şərq Qanadının altında yerləşir. İkinci Dünya Müharibəsi zamanı tikilmiş yeraltı tikilinin fövqəladə hallar zamanı Amerika lideri üçün sığınacaq və rabitə mərkəzi kimi xidmət etməsi nəzərdə tutulub. CBS çərşənbə günü bildirib ki, “Ağ Evin Şərq Qanadının altındakı bunker də təkmilləşdiriləcək”.
Oktyabrın 21-də ABŞ prezidenti Donald Tramp Ağ Evdə yeni banket zalında əsaslı tikinti işlərinə başlandığını təsdiqləyib. O, yeni məkanda 999 nəfərin yerləşəcəyini bildirib. Tramp söz verib ki, yeni zal “Ağ Evin interyerini tam olaraq təkrarlayacaq”. (Tass)