Türkiyənin Milli Təhlükəsizlik Şurası (MTŞ) respublikanın Qəzza zolağında sülhməramlı mexanizmlərdə iştirak etməyə hazır olduğunu bəyan edib.
“Türkiyə, atəşkəsin yaradılması kontekstində olduğu kimi, bundan sonra da Qəzzada sülh və sabitliyə zəmanət verən mexanizmlərin [həyata keçirilməsi] məsuliyyətini öz üzərinə götürməyə və Qəzzanın bərpası səylərinə töhfə verməyə hazırdır”, – deyə MTŞ prezident Rəcəb Tayyib Ərdoğanın sədrliyi ilə keçirilən iclasın yekunlarına dair bəyanatda bildirib.
Şura qeyd edib ki, “Qəzzada Türkiyənin birgə sponsorluq etdiyi atəşkəs regionda soyqırımına son qoymaq üçün həyati əhəmiyyət kəsb edir”. “Lakin görüşdə atəşkəsi pozan İsrail administrasiyasının dərhal hücumları dayandırmalı və üzərinə götürdüyü öhdəlikləri yerinə yetirməli olduğu vurğulanıb”, – bəyanatda deyilir.