Rusiya və Çin arasında vizasız rejimin tətbiqi xoş xəbərdir və iki ölkə xalqları arasında dostluq və əməkdaşlığın möhkəmlənməsinə töhfə verəcək. Bunu brifinqdə Çin Xarici İşlər Nazirliyinin sözçüsü Lin Jian Rusiya prezidenti Vladimir Putinin Çin vətəndaşlarının qarşılıqlılıq prinsipi əsasında 2026-cı il sentyabrın 14-dək 30 günə qədər Rusiyaya vizasız gedə bilməsi haqqında fərmanını şərh edərkən bildirib.
“Bu, yaxşı xəbərdir. Çin tərəfi hesab edir ki, bu, iki xalq arasında dostluğu daha da möhkəmləndirəcək, həmçinin müxtəlif sahələrdə ikitərəfli mübadilə və əməkdaşlığa kömək edəcək”, – XİN-in rəsmi nümayəndəsi qeyd edib. (Tass)