Ukrayna baş nazirinin Avropa və Avro-Atlantik inteqrasiya üzrə müavini Taras Kaçka İsrailə səfər edib. İsrail Xarici İşlər Nazirliyinin mətbuat xidmətindən verilən məlumata görə, onu Qüdsdə İsrailin xarici işlər naziri Gideon Saar qəbul edib.
Onun görüşdən sonra verdiyi bəyanatda vurğulanıb ki, “bu, Ukraynada 2022-ci ildə hərbi əməliyyatlar başlayandan sonra yüksək rütbəli Ukrayna rəsmisinin İsrailə ilk səfəridir”. Kaçka İsrail tərəfdən nazir Zeyev Elkinin sədrlik etdiyi Birgə Ukrayna-İsrail İqtisadi Komissiyasının həmsədri kimi İsrailə gəlib. Xarici İşlər Nazirliyindən bildirilib ki, səfər xarici işlər naziri Saarın iyul ayında Kiyevə səfərindən sonra baş verib.
Saar və Kaçka ikitərəfli görüş keçirib, daha sonra nümayəndə heyətlərinin iştirakı ilə geniş müzakirə aparılıb. Görüş zamanı tərəflər döyüş bölgəsindəki vəziyyəti, həmçinin “bununla bağlı diplomatik əlaqələri” müzakirə ediblər. Onlar həmçinin İsrail və Ukrayna arasında ikitərəfli münasibətləri, xüsusilə də “İran təhlükəsi” mövzusunda birgə dialoq platformasının yaradılmasını müzakirə ediblər. Saar “Ukraynanın HƏMAS və İran İslam İnqilabı Keşikçiləri Korpusunu terror təşkilatları kimi tanımasının vacibliyini və zəruriliyini” vurğulayıb.
“Nazir Saar səfəri alqışlayıb və qeyd edib ki, İsrail Ukraynanın keçdiyi çətin günləri və Ukrayna xalqının əzablarını tanıyır”, – İsrail Xarici İşlər Nazirliyi qeyd edib. (Tass)