Yonhap Xəbər Agentliyinin verdiyi məlumata görə, Koreya Respublikasının Müdafiə Nazirliyi hərbi kəşfiyyatla Şimali Koreyaya dronlar atdığını iddia edən “30 yaşlı aspirant” arasında əlaqə iddiaları ilə bağlı araşdırma aparacaq.
Daha əvvəl Cənubi Koreyanın ” Newstapa” nəşri iddia etmişdi ki, bu “30 yaşlı aspirant” Koreya Respublikasının hərbi kəşfiyyat komandanlığından maliyyə dəstəyi alır və onun “saxta şirkətləri” hərbi tapşırıqları yerinə yetirir.
16 yanvarda 30 yaşlı bir kişi Kanal A-ya müsahibə verərək Şimali Koreyaya “ölkənin nüvə obyektlərində radiasiya səviyyəsini ölçmək” üçün dronlar göndərdiyini iddia etdi. O, özünü “adi aspirant” kimi təqdim edib. Cənubi Koreya mediası daha sonra onun rəhbər vəzifələrdə çalışdığı mühafizəkar gənclər təşkilatı ilə əlaqələrini və Yun Sok-yulun rəhbərliyi altında prezident administrasiyasında işlədiyini müəyyən edib. Newstapa xəbər verir ki, “aspirant” PUA-ları dizayn edən və istehsal edən kiçik bir şirkət olan Estel Engineering-in direktoru vəzifəsində çalışıb. (Tass)