Moldova MDB ilə təşkilatdan çıxmasına imkan verəcək əsas müqavilələrin ləğvi prosesinə başlayıb. Bu barədə Baş nazirin müavini və xarici işlər naziri Mihay Popşoi Moldova Radiosunda bildirib.
“Moldova Müstəqil Dövlətlər Birliyinə üzvlüyünün əsasını təşkil edən üç əsas müqaviləni – MDB Nizamnaməsini, MDB-nin Təsis Edilməsi haqqında Sazişi və müvafiq əlavəni ləğv etmə prosesinə başlayıb. Onların rəsmi ləğvindən sonra ölkəmiz MDB-nin üzvü olmağı dayandıracaq, baxmayaraq ki, təşkilatda faktiki iştirakı daha əvvəl dayandırılıb. Bu sənədlər yekun təsdiq üçün parlamentə təqdim ediləcək”, – deyə Baş nazirin müavini bildirib. (Tass)