Amerika qoşunları Venesueladakı əməliyyatları zamanı əvvəllər eşidilməmiş silahlardan istifadə ediblər. Bu iddianı ABŞ prezidenti Donald Tramp Davosda keçirilən Dünya İqtisadi Forumundakı çıxışı zamanı səsləndirib.
“İki həftə əvvəl onlar əvvəllər heç kimin görmədiyi silahlar gördülər”, – deyə Amerika lideri venesuelalılara istinadən bildirib. “Onlar bizə bir dəfə də olsun atəş aça bilmədilər. Nə baş verdiyini soruşurdular. Hər şey qarışıq idi. Dedilər ki, “Biz onları görürük”. Tətiyi basdılar və heç nə olmadı.” “Heç bir zenit raketi atılmadı. Biri var idi, 30 fut (təxminən 10 metr) uçdu və onu atan insanların yanına düşdü”, – deyə Tramp Venesuela tərəfinin özünü müdafiə etmək cəhdlərinə toxunaraq əlavə edib. “Onlar deyirdilər ki, “Nə baş verir?” Bu müdafiə sistemləri Rusiya və Çin tərəfindən istehsal olunub. Ona görə də düşünürəm ki, onlar yenidən plana qayıdacaqlar”. (Tass)