Ermənistan və Azərbaycan suveren dövlətlərdir və buna görə də ABŞ da daxil olmaqla istənilən ölkə ilə münasibətlər qurmaq hüququna malikdirlər. Rusiya Prezidentinin mətbuat katibi Dmitri Peskov ABŞ-ın vitse-prezidenti J.D. Vensin Cənubi Qafqaza səfəri və üç ölkənin irimiqyaslı birgə layihələr planları ilə bağlı açıqlamaları ilə bağlı brifinqdə belə şərh verib.
Kremlin sözçüsü vurğulayıb ki, “bunlar suveren dövlətlərdir və müxtəlif dövlətlərlə münasibətlərini qurmaq üçün suveren hüquqları var”.
Vensin Cənubi Qafqaza çoxgünlük səfəri bu gün başa çatır. O, ABŞ adından Azərbaycanla Strateji Tərəfdaşlıq Xartiyasını imzalayıb və Ermənistanla nüvə enerjisi və məlumat mərkəzinin tikintisi sahəsində əməkdaşlıq barədə danışıqları başa çatdırıb.