ABŞ dövlət katibi və milli təhlükəsizlik müşaviri Marko Rubionun sözlərinə görə, nə BMT, nə də Avropa ölkələri Ukraynadakı münaqişənin həllinə yaxınlaşa bilməyiblər.
“Sadəcə deyəcəyəm ki, bu müharibəyə son qoymaq ABŞ-ın maraqlarına uyğundur və biz buna nail olmaq üçün əlimizdən gələni edirik. Və görünür, dünyada iki tərəfi danışıqlar masasına gətirməyi bacaran yeganə ölkə bizik. BMT bunu edə bilmədi. Və Avropada heç bir ölkə bunu edə bilməyib”, – deyə ABŞ-ın yüksək vəzifəli diplomatı Macarıstanın Baş naziri Viktor Orban ilə birgə mətbuat konfransında qeyd edib.
Rubio əlavə edib ki, ABŞ-ın vasitəçiliyi ilə Ukrayna münaqişəsi tərəfləri arasında dialoq bərpa olunub. “Uzun illərdən sonra ilk dəfə olaraq texniki səviyyədə danışıqlar aparırıq; hər iki tərəfin hərbi nümayəndələri Yaxın Şərqdə görüşüblər və bu danışıqları bu həftənin sonunda Cenevrədə davam etdirəcəyik”, – deyə o bildirib.(Tass)