Estoniya hakimiyyəti NATO-nun müdafiə planları çərçivəsində belə bir qərar veriləcəyi təqdirdə, ərazilərində nüvə silahlarının yerləşdirilməsi ehtimalını istisna etmir. Bu barədə Baltikyanı respublikanın xarici işlər naziri Marqus Tsaxna bildirib.
“Biz ərazimizdə nüvə silahlarının yerləşdirilməsinə qarşı deyilik. NATO müdafiə planlarımıza uyğun olaraq, məsələn, ərazimizdə nüvə silahlarının yerləşdirilməsini zəruri hesab edərsə, bunu istisna edəcək heç bir doktrinamız yoxdur”, – deyə milli dövlət televiziyası ERR nazirin sözlərini sitat gətirib.
2025-ci ilin iyun ayında Estoniyanın müdafiə naziri Hanno Pevkur, Baltikyanı respublikanın nüvə başlıqları daşıya bilən NATO müttəfiqlərinin hərbi təyyarələrini qəbul etməyə hazır olduğunu bildirdi. (Tass)