ABŞ hakimiyyəti təhlükəsizlik təhdidləri səbəbindən Lahor və Karaçidəki Amerika konsulluqlarının bir neçə işçisinə Pakistanı tərk etməyi əmr edib. Dövlət Departamentinin müvafiq xəbərdarlıq məktubu Pakistandakı Amerika səfirliyinin saytında yerləşdirilib.
Sənəddə qeyd edildiyi kimi, əmr fövqəladə hallarda iştirak etməyən işçilərə, eləcə də konsulluq işçilərinin ailə üzvlərinə şamil edilir.
Qeyd olunur ki, ABŞ və İran arasındakı silahlı münaqişə fonunda bölgədə raket zərbələri, dron hücumları və mülki hava nəqliyyatının pozulması təhlükəsi qalmaqdadır. (TASS)