Çexiya hakimiyyətinin qlobal neft qiymətlərinin vəziyyətindən asılı olmayaraq Rusiyadan enerji almaq planı yoxdur. Bu barədə Vilnüsə səfər edən Çexiya prezidenti Petr Pavel bildirib.
“Qiymət vəziyyətindən asılı olmayaraq, Rusiya enerjisinə qayıtmaq məsələsini müzakirə etmək niyyətində deyilik”, – deyə o, jurnalistlərə bildirib.
Prezidentin iddiasına görə, Praqa Rusiya enerji mənbələrindən asılılığını azaldıb. “Bu, son qərardır. Onun yenidən nəzərdən keçirilməsi və təchizatın bərpası texniki cəhətdən mümkün deyil”, – deyə Çexiya lideri bildirib.
Pavelin sözlərinə görə, Çexiya qərbdən və cənubdan enerji təchizatına güvənir. “Bu, ehtiyaclarımızı ödəmək üçün kifayətdir”, – deyə o bildirib. (Tass)