İsrailin energetika naziri Eli Koen İran raketinin qalıqlarının Hayfa şəhərinin şimalındakı neft emalı zavodunun yaxınlığında düşməsindən sonra bildirib ki, “İsrail infrastrukturuna ciddi ziyan dəyməyib”. Ynet portalı nazirin sözlərini sitat gətirib.
Eyni zamanda, portalın məlumatına görə, hadisədən sonra Bazan Group neft emalı zavodunda paya sahib olan Petrochemicals şirkətinin səhmləri fond birjasında 10%-dən çox, Bazan Group şirkətinin özünün isə səhmləri 6,5%-dən çox düşüb.(Tass)