Küveytin hava hücumundan müdafiə sistemləri son 24 saat ərzində əmirlik istiqamətində 18 pilotsuz uçuş aparatının (PUA) buraxılışını aşkar edib ki, bunlardan 13-ü vurulub. Bu barədə Müdafiə Nazirliyi məlumat verib.
Nazirlikdən verilən açıqlamada bildirilir ki, “Son 24 saat ərzində hava hücumundan müdafiə sistemləri Küveyt hava məkanında 18 düşmən dronu aşkar edib, onlardan 13-ü məhv edilib, onlardan ikisi Küveyt Milli Neft Şirkətinə məxsus istehsalat bölmələrinə hücum edib”. Müdafiə Nazirliyinin məlumatına görə, daha üç PUA təhlükə zonasından kənarda qəzaya uğrayıb.