Amerikanın F-35 qırıcı təyyarəsi 2025-ci ilin iyun ayında baş verən “12 günlük müharibə”dən sonra İran mütəxəssisləri tərəfindən hazırlanmış yeni hava hücumundan müdafiə sistemi tərəfindən vurulub. Bu, İran Silahlı Qüvvələrinin Baş Qərargahının iddiasıdır.
İran Silahlı Qüvvələri Qərargahının açıqlamasına görə, “12 günlük müharibədən” sonra İslam İnqilabı Keşikçiləri Korpusunun (İİKK) Aerokosmik Qüvvələrinin gənc mütəxəssisləri “yeni hava hücumundan müdafiə sistemləri yaratmağı və onları ölkənin ümumi inteqrasiya olunmuş hava hücumundan müdafiə sisteminə inteqrasiya etməyi bacarıblar”. Bəyanatda iddia edilir ki, “beşinci nəsil F-35 təyyarələrini vuran” məhz bu sistemlər olub.
İran İnqilab Keşikçiləri Korpusunun əvvəllər bildirdiyi kimi, İranın hava hücumundan müdafiə sistemləri ölkənin mərkəzi bölgəsi üzərində ABŞ Hərbi Hava Qüvvələrinə məxsus F-35 təyyarəsini vurub və qırıcıya ciddi ziyan dəyib.