İranın cənubunda sement zavoduna ABŞ və İsrailin hücumu nəticəsində ən azı iki işçi həlak olub, daha iki nəfər yaralanıb. Bu barədə IRNA xəbər agentliyi zavodun yerləşdiyi Fars əyalətinin hakimiyyət orqanlarına istinadən məlumat yayıb.
Onların sözlərinə görə, ABŞ və İsrail qırıcı təyyarələrinin Firuzabad şəhərindəki sement zavoduna hava hücumu nəticəsində iki nəfər həlak olub, iki nəfər yaralanıb, zavoda da maddi ziyan dəyib.