“The New York Times” qəzetinin ABŞ rəsmilərinə istinadən verdiyi məlumata görə, aprelin 3-də Fars körfəzində ABŞ Hərbi Hava Qüvvələrinə məxsus ikinci döyüş təyyarəsi qəzaya uğrayıb.
İran üzərində F-15E qırıcı təyyarəsinin vurulması ilə eyni vaxtda Hörmüz boğazı yaxınlığında A-10 Warthog hücum təyyarəsi qəzaya uğrayıb. Nəşrin məlumatına görə, A-10 pilotu xilas edilib. F-15E hadisəsində bir heyət üzvü də xilas edilib və ikinci pilotun axtarışı davam edir.
Rəsmilər A-10 qəzasının təfərrüatlarını, o cümlədən hadisənin dəqiq yeri və şəraitini açıqlamayıblar. (Tass )