Avstraliyanın Baş naziri Entoni Albanese ölkənin ilk qadın ordu komandanı təyin edib. Baş nazirin açıqlamasına görə, bu vəzifəyə general-leytenant Syuzan Koyl təyin edilib.
Baş nazir öz ofisi tərəfindən yayımlanan açıqlamada bildirib ki, “İyul ayından etibarən 125 illik tariximizdə ilk dəfə qadın Avstraliya Ordusunun rəisi təyin olunacaq”.
Qeyd olunur ki, Koyl hərbi xidmətə 1987-ci ildə Ordu Ehtiyat əsgəri kimi başlayıb və daha sonra digər vəzifələrlə yanaşı, Əfqanıstanda xüsusi təyinatlı dəstənin komandiri və 17-ci Siqnal Alayının komandiri vəzifələrində çalışıb. (Tass)